اذا هذي اولها ينعاف تاليها

اليوم وانا اتصفح جريدة الوطن بشكل الكتروني وقريت موضوع المانشيت لزيادة الخمسين وصندوق المعسرين لفت نظري شي ماله شغل بالاثنين اصلا ...!!! راح انسخ الفقرة وعقبها بعلق..


"فيما شكك النائب عادل الصرعاوي في قرار اللجنة التشريعية وقال ان «اللجنة تعبر عن أحد اوجه الفساد في المجلس لان عضوين فيها شاركا في الفرعية فكيف يصوتان على رفع حصانة نائب متهم بالفرعية؟!»ورد عليه حسين القويعان قائلا ان «الصرعاوي تعود على التعرض للشخوص وكان يتحدث ضد وزير التربية الاسبق عادل الطبطبائي وعندما جاءت نورية الصبيح صمت».وكذلك هاجم بورمية الصرعاوي وقال له «احترم نفسك حتى يحترمك الناس».ووصف النائب ضيف الله بورمية النائب عادل الصرعاوي بأنه «اسوأ نائب في المجلس» وقال «الصرعاوي دائما ما يتعمد الاساءة لزملائه وشاهدناه في المجلس السابق والكل يذكر موقفه مع النائبين سعد الشريع ووليد العصيمي فهو رد عليهما برد غير طيب وأنا اقول له احترم نفسك واحترم زملاءك كي يحترموك» فقال الصرعاوي «انا متربي» فرد أبورمية «إذا كانت هذه تربيتك فنعم التربية!»." الوطن 25-6


يعني لي متى النواب هذا اسلوبهم وهذا تعاملهم عفيه يعني شنو هالمأسااااااة شنو متربي ومومتربي ؟؟؟؟ يهال بالروضه والا بمجلس امة ؟؟

لي متى هذا مستوى نوابنا شنو هوشه يهالو ؟؟ مو عيب هذول اللي يبيون يمثلونا ؟ لا طبنا ولا غدا الشر اذا هذول نوابنا وهذا اسلوبهم وطرحهم الوااااااااااااااااااااااااااااااااااااااااااااااااااااااااااااااااااااااااااااااااااااايد راقي بصراحة اثلجو صدري وحسسوني ان الدنيا بخيييييييييييير !!

اذا هذي اولها ينعاف تاليها

الفراغ

آآآه شقول عن الفراغ ...

الفراغ = الملل والنومة المعتفسه اليوم مممممممممم يعتبر اليوم رقم 21 من بدايه الفراغ او العطله او الاجازه الغير محدده المدة من تخرجت
يعني بصراحة ماكو شي يونس كله ملل في ملل .. كل شي يملل البيت , التلفزيون , الناس كــــــــــل شــــي .. انا قبل لا اتخرج قلت ماعليه بدلع عمري شوي وبرتاح من الدراسه والامتحانات بس اللي حاصل العكس النومة معفوسه وكل مكان يضيق الخلق الحياة بدون هدف والا شغل تكون بقمة التفاهه بصراحه عرفت قيمة الدراسه او عالاقل مكان كل يوم اروحلة واداوم , اشوف رفيجاتي اسولف معاهم اشرب معاهم الكوفي انحش بالراايح والراد "اقصد نعطي بعض الانتقادات الايجابيه:p " والحين ماكو شي رفيجاتي بس اكلمهم بالتلفون وموكل يوم بعد ..
ههههههههههههه حتى غرفتي معفوسه ليلحين فيها كتب وبقاااياااا سنوات الدراسه الدفينة ,, ولا بعد هاليومين هاب فيني الصداع النصفي اوووووووووووووووووووووووووووووووووووووووووووووووووووووف شي ما اتمناه حتى لاعدائي بصراحة شي مو طبيعي الألم

المهم خلصت ماعندي شي اقوله.

استكثرك

استكثرك وقتي علي وغدا بك عادت زماني كل ماطاب هوّن

ليت الذي وداك يازين جابك تشوف عقبك كيف الايام سوّن

شرق مشيت وغرب وقتي مشابك والقلب ماله لايم فيك لوّن

طويتني طي الورق في كتابك حتى معاليق الحشى لك تطوّن

اشتقت لايام الهوا في جنابك يوم الشموع بليل الاحباب ضوّن

واشتقت اقول لهاتفك مرحبا بك واشتقت لغيوم الصحاري تكوّن

عوّد ترى داعي الهوى عند بابك واروي القلوب اللي بعد ماتروّن

غنيتلك عمري ولا جا جوابك واسمي مع مجنون ليلى تدوّن

غناء عبدالمجيد عبدالله

استقالة الوزراء وحل المجلس ووهقة النواب!!!

شيئ طبيعي ومعروف ومتوقع استقاله الحكومه من المجلس نظرا للضغوط اللي تتعرض لها وطبعا كلامي مو مديح او تبرير لهم بسس بالعربي الفصيح موغريبة عليهم ..
بس المشكله اللي اتضحك حالة النواب!!! لما ينحل المجلس واهم متكيفين على ان الدوائر 25 وليلحين ماضبطوا امورهم على الدوائر الخمس !!!!!!! بس الشي اللي يطرح نفسه وبقوة شديدة جدا ... مــــــــــــو شــــــــرط نفسهم يردووون !! شنو قرآن كلا نفس النواب ؟؟ اعتقد الحين كل النواب بحوووسه ولوويه ولجانهم تشكلت حق الانتخابات بسس اللي راح يبين عدد النواب اللي راح يغيرون آراءهم مثل الحرباء!! على حسب آراء كل منطقة والله حاله نواب العازه!!!
انا اقول يوم صارت خمس خل تفيدكم القبلية والطااائفية وتخليص المعاملات !!!!!!!!!!!

والله حالة اييلك واحد حافي منتف وعقب المجلس يتمليييييين!!!! اقول مو علينا ترى احنا واعييييييييييييييين!!!!

الزيادة

موضوع الزيادة واسقاط القروووض موضوع مهم بالنسبة لجميع الكويتيين
بس لما انفكر شوي وبس شوي راح نلقى انها مضرة اكثر من افادتها..!
1- زيادة الرواتب تؤدي الى زيادة الاسعار والتضخم يعني باختصار ماكو فايدة منها..! وعلى فكره هذي من ابجديات الاقتصاد!!
2- اسقاط القروض يعتبر غير عادل وليس من مسؤولية الدولة انها تدفع ثمن سفرات اوروبا وسيارات اخر موديل!!


اسباب طلب الزيادة واسقاط القروض ..
1- عدم تدخل الدوله في اررتفاع اسعار السلع الغير مبرر!!
2- الفساد اللي يصير وكل من قدر باق بدون ضمير يخلي المواطن يفكر اذا اللي باقوا صارو مليارديريه ومحد قالهم شي , وانا المديونير!! مومن حقي على الاقل ان يطيحون قرضي؟!
3- النـــــــــــــــواب , لو كل نائب يفكر صح او عالاقل يبين انه فاهم جان ولا واحد صاح بالزيادة او اسقاط القروض ..بس شتقول لا صارو مع الخيل يا شقرا!! والمهم تجميع الاصوات وارضاء اكبر عدد ممكن من الناخبين يعني انا اضمن واكيد ان لو 90% من ابناء الدائرة رافض الزياده واسقاط القروض جان اهم معاهم بدون تفكير !! بعرف ليش ماكو توعية؟!

انا بقول شغله وحده ومهمه
ترى صوت الشعب يكون من خلال النواب بس للاسف لمن المواطن يصوت حق شخص يصوت له مو لانه يوصل صوته وآراءه لكن يصوت له علشان يتوسط له ويخلص معاملاته !!
لو انتخبنا صح وبدون فزعه وواسطة جان احنا بخير!!!